Әмтиг соңсҗ, орн-нутгин төрмүдиг меддгнь энтн йос залдг һардачнрин һол күсл гиҗ Әрәсән Президент залврин кадрмудын көрңгиг делгрүллһнә көтлвриг төгсәсн улсла видеоконференц давулсна кемд келв.  Һурвн җилин эргцд эн көтлвр залврин кадрмуд белдлһнә туст ик чинр зүүдг болв. Эндр өдр көтлвр төгсәһәчнр йос заллһна цуг девсңгин халхар ик гидгәр керглгдҗәнә. Эдн дунд 29 региона һардачнр, тавн федеральн министр, Федерацин Хүүвин болн Орн-нутгин Государственн Хүүвин ахлачнрин дарукс, ик балһсдын толһачнр. Йос заллһна халхар үүлдҗәх күн болһнд хамгин һоллгчнь энтн әмтиг соңсҗ, орн-нутгин болн иргнмүдин төрмүдиг медлһн. «Государственн цергллт гиснь энтн цергллт гиҗ

Эн көтлвр 2017 җиләс авн бәәдл-җирһлд тохрагдҗана. Энүнә күсл - иргчдән региональн болн федеральн государственн үүлд орх мергҗлтнриг белдлһн. Һурвн җилин эргцд 224 күн эн көтлвр төгсәв. Эннь госудасртвенн залврин Деед школын һардачнр болн Әрәсән регоинмудын губернатормуд. Теднә тоод Хальмгин Толһач Бату Хасиков. Келхд, эн җилин така сард Хасиков онлайн диг-даранд төсвсиг үнллһнә аттестационн комиссин сүүрт орлцв. Тер мет таңһчин правительствин Ахлачин дарук, РФ-н Президентин медлд даңгин үүлддг Хальмг Таңһчин элч Сангаджи Тарбаев очн кевәр орлцв. Көтлврт орлцачнриг модульн янзар сурһв. Сүл девсңгин йовудт эдн Әрәсән нәәмн регионд хамгин нәрн төрмүдиг хаһллһна туст сүв-селвгүд ухалҗ белдх зөвтә бәәсмн. Келхд, нег төсвин баг Хальмгин туст батлата билә.Тегәд чигн эн багд орсн улс Дмитрий Троицкийин һардврт таңһчин экономикин болн хулд-гүүлгәнә мнистерствлә хамдан таңһчин инвестиционн бәәдлиг шинҗлҗ, энүг өөдлүллһнә туусь сүв-селвгүд ухалҗ белдв.