Лагань балһнсд усна төр хаһлхин төләд фильтрмүд сольлһна көдлмш кеҗәнә. Эн долан хонгт Лагань балһснур ус цеврүллһнә системин фильтрмүдин төлә материалмуд – 19 тонн үүрмг чолу авч ирв. Эн өдрмүдт ус цеврүллһнә тоотар цуг савмудыг дүүргҗәнә. Водоканалын эрдмчнр цевр ус хоршадг резервуармудыг уһалһна болн цеврүллһнә көдлмш күцәҗәнә. Тер мет ус цеврүллһнә төлә олзлгдсн материал һарһҗ авчана.

«Водоканал» ООО-н ах инженер Ирина Жигульскаян келсәр, көдлмшин йовудт нәрн төрмүд учрв. Тер юңгад гихлә дренажн системин ясвр керглгдҗәнә. Тегәд чигн 8 метр турва сольх кергтә болҗана. Әмтиг сән чинртә усар түргн кевәр теткхин төләд водоканалын эрдмчнр объектд өдр сө уга көдлҗәнә.