Элст балһсна поликлиникд олн каналын телефон эклҗ көдлв. Хальмг Таңһчин Толһач Бату Хасиковин өгсн даалһврар таңһчин электронн кев-бәәдлиг делгрүллһнә министерств больницсин төлә олн каналын телефодыг залһлһна көдлмш күцәҗәнә.

Электронн кев-бәәдлиг делгрүллһнә министерствин зәңглсәр, өдгә цагт «Ростелеком» ПАО-н хальмг филиал Интернетәр дамҗҗ, балһсна поликлиникиг телефона залһлданур залһлһна туст немр көдлмш кеҗәнә. Эннь эмнлһнә учреждәня төлә ик чинр зүүҗәнә, тер юңгад гихлә күндәр гемтә күн җиңнүлҗ, дөң сурч чадҗана. «Эн туслмҗин нилчәр олн каналын тойгин көдлмшиг тасрхан угаһар теткҗ болхмн. Тегәд чигн нег чигн җиңнүлсн күн оньгас алдшго», - таңһчин электронн кев-бәәдлиг делгрүллһнә министр Алексей Этеев темдглв.