Таңһчин Толһачин Зәрлгәс иштә сойлын болн туризмин министрт Саглара Денаевна Тюрбеева батлгдв. Ирлцңгү Зәрлг һаха сарин 17-д батлгдад, таңһчин Толһачин шишлң сайтд барлгдв.

Саглара Тюрбеева Яшкулин районд төрҗ, Эрмели селәнд өсч-боссмн. Зурһадгч класст Элстүр нүүҗ һарад, энд сурһулян төгсәв.

МИИГАиК (геодезийин болн картографийин Московск государственн университет) төгсәсмн. Дарунь ВГИК-ин кинон болн телеүзлин Деед курсмудт (Цугәрәсән государственн С.А.Герасимовин нертә кинематографин институт) сурсн болдг.

2020 җилин така сарин 8-д Саглара Тюрбеева таңһчин Толһач Бату Хасиковин селвгчд батлгдсн билә.