Шин коронавирусн хальдврта гемәс хөрлһнә тәрлһн энтн олн улсиг соньмсулҗах төр мөн. Олн әмтнд тәрлһ келһнә керг эклхин өмн өргнд таңһчин эрүл-менд харлһна министерств эн төрәр әмтнә сурврмудт хәрү өгчәнә.

Өдгә цагт Н.Ф.Гамалеин нертә Келн-улсин шинҗллтин цутхлң кеҗ һарһсн «Гам-ковид-вак» («Спутник V») вакцин болн Роспотребнадзорин «Вектор» гидг государственн номин шинҗллтин цутхлң ухалҗ һарһсн вакцин тәрҗәнә. Шин коронавирусн хальдврта гемин өмнәс сөрүд тәрлһиг әмтн бийдән эврә сән дурар келһүлхмн. Таңһчин әмтнә 60 процентд тәрлһ кехәр зуралҗана. Әмтн коронавирусн хальдврта гемәр гемтснә хөөн цаг давад, дәкнәс эн гем хальдх әәмшг бәәнә. Тегәд чигн тәрлһ кеһәд, хальдврта гемәс гетлүлҗ болхмн.

Ямр нег тәрлһ кегдснә хөөн сар давсна хөөн коронавирусн гемәс хөрлһнә тәрлһ кеҗ болх. Коронавирусн гемәр гемтәд эдгснә хөөн зурһан сар давад, эмин тәрлһ кеҗ болҗана. Насни дигт күрәд уга бичкдүдт, саата күүкд улст, көкүл нилхтә күүкд улст, гүлгн гемтә әмтнд ода деерән тәрлһ кеҗәхш. Әрәсәд олзлгдҗах вакцин государственн шинҗллтин темдгтә, әәмшг уга болн олзта-туста гиҗ тоолгдҗана. Шин коронавирусн хальдврта гемәс хөрлһнә вакцин өңгәр кеҗәнә. Шаңһа эмнлһсин көдләчнр тәрлһ кенә.