Әрәсән Федерацин Правительствин тогтаврла ирлцәтәһәр давсн җилин мөрн сарин нег шинәс авн декабрь сарин 31 күртл коммунальн туслмҗин мөңгиг ял угаһар хооран сааҗ өгх зөв өгчәсмн. Нидн март сарин 31 күртл эс өгсн туслмҗин мөңгнә деернь ялын мөңгн немгдхмн.

Эн җилин туула сарин нег шинәс авн ЖКХ-н туслмҗин мөңгиг цаглань өглго, өр кесн улсиг ялд унєах.  Давсн җилин мөрн сарин нег шинәс авн орх җил эклтл ял авдгиг уурулсн билә. Ода болхла туула сарин нег шинәс авн ЖКХ-н туслмҗин мөңгнә өртә улсас ялын мөңгиг шинәс некдг болхмн.

Коммунальн туслмҗин мөңгиг цаглань эс өгснд ялын мөңгиг цаг зуур авчасн уга. 2020 җилин ашар коммунальн организацс зүсн-зүүл туслмҗ күргснә төлә авдг мөңгнә 95,11 процентнь хураҗ авсмн. Болв зәрм әмтн2020 җилин эргцд олзлсн усна, электрокүчнә, нань чигн туслмҗин мөңгиг өглго бәәсн йовдлмуд бас учрад бәәв. Апрель сарин ашар коммунальн организацс зүсн-зүүл туслмҗ күргснә төлә авдг мөңгнә зуг 50 процентнь хураҗ авсмн. Коммунальн туслмҗин мөңгиг цаглань өглго, өр кесн улст туслмҗ өгдгиг уурулҗ чадҗана. Тегәд тиим бәәдл учрашгоєин төләд өр келго, олзлсн туслмҗин мөңгиг цаглань өгх кергтә.