Таңһчин Целинн районд школын тосхлт прокуратурин бүртклһнд бәәнә, тер юңгад гихлә энүг 87 процентд бел кесмн. Энүнә тускар ведомствин барин цергллт зәңглҗәнә.

Района прокурор тосхлтын көдлмшиг темдглсн болзгаснь оратлго кех кергтә, тосхлтын цуг зокалмуд болн некврмүд күцәх кергтә гисн заавр подрядн организацд өгв.

 «Сурһуль-эрдм» гидг келн-улсин йовудт Целинн района Троицкое селәнд 528 зәәтә дундын школ тосхгдҗана. Одахн эн тосхлтын объектд района прокурор Ирина Бадмаева, подрядн организацин - «Грандис» ООО-н генеральн директор Баатр Бурслугинов болн тосхлтын халхар шаңһа бүртклһ күцәҗәх организацин элч Олег Саксыков орлцлтаһар дарани селвлцән болв.

 Таңһчин Целинн районд «Сурһуль- эрдм» гидг келн-улсин төсв ямаран кевәр күцәгдҗәхиг района прокуратур онц оньган өгч бүрткхмн.