Лу сарин 11-д Курмангазын нертә региональн сойлын төвд «Взаимодействие органов власти и общественных объединений Астраханской области и Калмыкии по реализации Стратегии государственной национальной политики в Российской Федерации на период до 2025 года» гидг төрәр «төгрг ширән» сүүр болв. Энүнә тускар Әәдрхнә мүҗин губернаторин медлд үүлддг этноконфессиональн хүүв зәңглв.

«Төгрг ширән» сүүрин көдлмшин ашар «Жерлестер» хасгудын сойлын төв» гидг олна ниицәнә болн Курмангазын нертә региональн сойлын төвин хоорнд үүдәлтин халхар залһлда бәрлһнә туск бооцан батлгдв. Хальмг Таңһчин делегацин төлә сойлын программ бүрдәгдв. Хальмгин элчнр Курмангазын мавзолейд болн музейд одв. Эдн Әәдрхнә мүҗд бәәдг олн келн улсин сойлла болн заңшалмудла таньлдв.

Әәдрхнә мүҗин губернаторин администрацин дотр-дундын политикин заллтын ахлачин негдгч дарук Сергей Воронов үг келв. Әәдрхнә мүҗд келн-улсин политик күцәлһнд олн келн улсин сойлын негдлтс ик чинр зүүҗәхинь темдглв. Хальмг Таңһчас РК-н Толһачин администрацин һардачин дарук – РК-н Улсин Хуралд таңһчин Толһачин элч Араш Манджиев, таңһчин Толһачин администрацин эксперт-консультант Виталий Бархамуров, «Жерлестер» Хальмг Таңһчин хасгудын сойлын төв» гидг олна ниицәнә хүүвин ахалч Светлана Цурюмова болн эн ниицәнә гешүд керг-үүлдврт орлцв.