Таңһчд тәрлһ келһн цааранднь күцәгдҗәнә.Эн чинртә кергиг күцәлһнә йовудт стационарн учрежденьст бәәдг әмтнд тәрлһ кеҗәнә гиҗ таңһчин социальн делгрлтин, күч-көлснә болн көдлмшәр тетклһнә министерств зәңглҗәнә.

Өдгә цагт Баһ Дөрвдә болн Көтчнрә өнчн-өвү көгшдин болн эрмдгтә улсин гер-интернатмудын теткврт бәәдг әмтн болн тенд көдлдг улст тәрлһ кечксмн. Тәрлһ кехин урдас эдниг эмч хәләҗ, эрүл-мендинь шинҗлсмн. Көгшн болн эрмдгтә 56 күүнд, тер мет 19 көдләчд тәрлһ кесмн. Эрүл-мендинь шинҗлснә ашар 23 күүнд тәрлһ кеҗ болшго болв.

Таңһчин цуг стационарн социальн учрежденьст бәәдг әмтнд девсң-девсңгәр шин коронавирусн хальдврта гемәс гетлүллһнә эмин тәрлһ кегдхмн.