Лу сарин 21-әс авн 23 күртл «Уралан-2007» команд мини-футболар ОРГХИМ-Әрәсән Первенств турнирин ашлгч девсңд орлцв. Эн марһан 2007-2008 җилмүдт төрҗ һарсн көвүдин дунд Краснодарск крайин Мостовской поселкд давв гиҗ таңһчин спортын болн баһчудын политикин министерств зәңглв.

Ут тоодан 12 команд орлцв. Эдн хоорндан дөрвн багд хувагдв. Эннь А баг –Дагестана хамцу команд, «Юность» Белореченск, «Мир» Миллерово; Б баг «ДЮСШ» - Кировский ГО, «Олимпия» Астрахань, «Адыгея» Республика Адыгея; В баг – «Уралан» Элиста, «СШ по футболу» Ставрополь, «Олимп» Мостовской; Г баг – «Капитан» Севастополь, «ДЮСШ» Лермонтов, «Сокол» Новошахтинск. Багмудар хувагдҗ наадсна ашар мана команд диилвр бәрҗ, турнирин төгслһнә дөрвнә әңгд һард. Турнирин полуфиналд зуг «Мир» Миллерово командд (0:1) шүүгдв.

Марһана ашар «Уралан- 2007» команд күндтә һурвдгч орм эзлв. Заян Тюрбеев турнирин хамгин сән наадач гиҗ тоолгдв.