Әрәсәд Брайль үзглл хәләһәд меддг интернет-ресурс үүдәгдсн болдг. Стратегическ седвәрин Агентств «World AI&Data Challenge» төсвин йовудт ирлцңгү шиидвр һарһҗ күцәв. Энүг РФ-н Президент дөңнв гиҗ Әрәсән ФСС зәңглв.

Йирин текст авхин төлә телефо эс гиҗ компьютер олзлҗ, Брайль үзгәр бичсн текстин зургнь цокҗ авх кергтә. Нүднә харань тату улс хоорндан залһлда бәрҗ чадхин төлә, эдн йирин улсла болн багшнрла күүндҗ чадхин төлә иим эв-арһ үүдәсн болдг.

Иим эв-арһин нилчәр нүднь мууһар үздг бичкдүд сурһуль дасч чадхмн, нүднә харань тату улс олн зүсн туслмҗ авх арһта болхмн. Тер мет хойр таласнь текст умшҗ болхмн, орс, англь келәр бичсн текст умшҗ болх, эсв дасч болх. Хәләһәд медҗ авсн текстиг зург деернь һарһад эс гиҗ салу кевәрумшҗ болхмн.