Хөн сарин 14-ас авн 17 күртл Башкортостан Республикин Октябрьский балһснд 15-17-та көвүд болн күүкд дунд бүс бәрлдҗ ноолдлһар Әрәсән Первенств болв. Эн марһанд Хальмгин спортсмен Сергей Клименко орлцҗ, күндтә һурвдгч орм эзлв. Энүнә тускар таңһчин спортын болн баһчудын политикин министерствин барин цергллт зәңглҗәнә.

Орн-нутгин олн зүсн областьмудас болн республикүдәс марһанд орлцхар ирсн 300 шаху спортсмен хоорндан дөрлдҗ, чидлән сөрҗ, сән белдврән, мергҗлтән, чадмг-чидмгән үзүлв. Зүткә бәрлдәнә ашар мана һазра спортсмен Сергей Клименко 55 киил күртл чиңнүрин багд күрл мөңгн медаль шүүҗ авв.