Таңһчин Толһач Бату Хасиковин закврас иштә Борис Муджиков «Региональный центр спортивной подготовки сборных команд» гидг таңһчин бюджетн учрежденя директорт батлгдв. 

Хальмгин спортын болн баһчудын политикинминистр Константин Батыров «Ойрат-Арена» спортивн комплексин көдләчнриг шин һардачла таньлдулв. «Борис Валерьевич шунмһаһар үүлдҗ, дамшлт хоршасмн, тер тоод спортивн халхар чигн. Тер төләдән эн зуралсан күцәҗ чадх, кех-күцәх көдлмшнь йовудта болх гиҗ тоолҗанав гиҗ министр темдглв.

Борис Муджиков – Хальмгин Улсин Хуралын (Парламентин) депутат, урднь таңһчин баһчудын цутхлңгин һардачин үүл дааҗ йовсмн, «Молодая Гвардия Единой России» цугәрәсән олна ниицәнә Хальмг региональн әңгиг һарддг бәәсмн. Тер мет Борис Муджиков греко-римск болн сул янзин бөк бәрлдәһәр спортын мастер, нарт-делкән болн цугәрәсән марһасин дииләч болн призер.