Күүкдиг бичкдүдин садт ормар тетклһнә төриг күцц кевәр хаһлсн 37 регионд Хальмг Таңһч бас орв.

Школд орад уга бичкдүдт сән сурһмҗ болн медрл өглһн энтн мана правительствин чинртә гисн керг-төр мөн», - гиҗ Бату Хасиков келсиг барин цергллт зааҗ зәңглҗәнә.

Тер мет Хальмгин правительств болн сурһуль-эрдмин болн номин министерств эн туст цуг арһ-чидлән һарһҗ үүлдсиг эн темдглв.  2019 җиләс авн таңһчин райодын болн Элст балһсна 4 бичкдүдин садт олн зәәтә немр гермүд тосхҗ эдлврт орулсмн. Тиигәд үүлдҗәдг бичкдүдин садмудт немр гермүд тосхад, бәәринь икдүләд, күүкдин төлә немр ормс бүрдәнә. Темдглхд, иим кевәр тосхлтс кеҗ, 680 немр орм бүрдәгдв. 160 зәәтә 4 бичкдүдин сад Яшкулин, Яшалтинск, Көтчнрә болн Целинн райодт тосхгдҗана.

«Демографь» келн-улсин төсвин «Көдлмшәр тетклһиг дөңнлһн» гидг федеральн төсвин йовудт дошкольн учрежденьсин көдләчнрин төлә шин көдлмшч ормс тогтагдҗана. «Селәнә һазрт шин объектс тосхлһнд болн өдгә цагин кергсләр тетклһнд онц оньган тусхаҗанавидн», гиҗ таңһчин Толһач темдглв.